काठमाडौँ — सरकारले राष्ट्रिय अनुसन्धान विभागको प्रमुखमा टेकेन्द्र कार्कीलाई नियुक्त गरेको छ। आइतबार बसेको मन्त्रिपरिषद बैठकले अतिरिक्त मुख्य अनुसन्धान निर्देशकका रूपमा कार्यरत कार्कीलाई विभाग प्रमुखको जिम्मेवारी दिने निर्णय गरेको हो।

भदौ २८ गते हुतराज थापा अनिवार्य अवकाशमा गएपछि विभाग प्रमुखको पद रिक्त रहेको थियो। सो पदमा कार्कीलाई नियुक्त गर्दै सरकारले विभागीय नेतृत्वलाई निरन्तरता दिएको छ।

कार्की २०५३ सालमा अनुसन्धान अधिकृतका रूपमा गुप्तचर सेवामा प्रवेश गरेका थिए। उनीसँगै ओमप्रकाश जोशी पनि प्रमुख बन्ने दावेदार थिए, तर मन्त्रिपरिषद्को निर्णयले कार्कीलाई नै नेतृत्व दिने टुंगो लगाएको हो।